LDK vendos: Quajeni Atifete, jo presidente

Presidentja e vendit, Atifete Jahjaga, për drejtuesit dhe deputetët e Lidhjes Demokratike të Kosovës (LDK) tash e tutje nuk do të jetë më presidente, pavarësisht se ajo do të mund të qëndrojë në kolltukun e të parës së vendit edhe për katër vjet rresht.

Lideri i kësaj partie, Isa Mustafa, duke dashur që t’i hakmerret presidentes për mosrespektimin e marrëveshjes, ka urdhëruar bashkëpartiakët e tij që sa herë që t’i referohen presidentes, nga fjalori i tyre ta shmangun termin “presidente”, ndërsa të parës së vendit t’i thonë thjesht, në emër.

Burime të “Zërit” të afërta me Mustafën, kanë treguar se në këtë formë kryetari i Lidhjes Demokratike të Kosovës pretendon t’i kundërvihet “prerjes në besë” nga ana e presidentes në raport me largimin e saj, ashtu siç e parasheh marrëveshja politike mes Isa Mustafës, Hashim Thaçit dhe Behxhet Pacollit, mbi bazën e së cilës Atifete Jahjaga është bërë presidente…. (shkrimin e plotë mund ta lexoni në numrin e sotëm të Gazetës “Zëri”)