LDK reagon rreth eksperimentimit të radhës nga ana e qeverisë komunale

/ 1 minutë lexim

Gjilan – Lidhja Demokratike e Kosovës, Dega në Gjilan, reagon ashpër ndaj eksperimentit të radhës së qeverisë komunale, lidhur me mbylljen e vendkalimit në qendër të qytetit.

Ky vendkalim lidh sheshet mes vete dhe nuk mund e as nuk duhet të mbyllet, për shkak se e shkëput lëvizjen e lirë të qytetarëve.

Hidromorava

LDK ua kujton drejtuesve të Komunës së Gjilanit se ka kaluar ‘muaji i mjaltit’, t’i përvjelin mëngët dhe të fillojnë t’i realizojnë ato 109 premtimet elektorale e t’i vazhdojnë projektet zhvillimore që i projektoi, ideoi, buxhetoi e zhvilloi qeveria e kaluar e udhëhequr nga kryetari z. Lutfi Haziri.

Lërini eksperimentet. Grahni punës thuhet në reagimin e degës së LDK-së./rajonipress/