LDK pret dakikun !

PDK-ja duhet të bëjë llogaritë shumë më mirë se deri më tash. Kjo për faktin se opozita në vend po zotohet se do t`i bashkërendojë forcat që të kërkojë votbesimin e Qeveris “Thaçi 2”, që vendi të shkojë në zgjedhje të parakohshme.

Madje, opozita do të pres deri në krijimin e një situate të re për të përdorur instrumentin e votëbesimit, shkruan Zëri.

Ndërkohë, analistet politik vlerësojnë se zgjedhje të parakohshme mund të ketë edhe me ligjin aktual, por nuk mund të këtë, nëse AAK-ja ia kryen do punë PDK-së, siç po ia kryen aktualisht.

Arben Gashi, nga LDK-ja ka thënë se do të bashkërendohen me opozitën qe në momentin e duhur që të kërkohet votëbesimi ndaj qeverisë. “Ne nuk mund ta rrëzojmë qeverinë pa bashkërendim edhe me forcat tjera opozitare, që kjo qeveri të shkojë sa më pare”, tha Gashi.

Ndërkaq, Erzen Vranqi nga Vetëvendosje, ka thënë se do ta përkrahin një iniciativë të tillë.