LDK nënshkruan marrëveshje për bashkëqeverisje me AKR-në në Kamenicë

Kamenicë – Të hënën Lidhja Demokratike e Kosovës dhe Aleanca Kosova e Re nënshkruan marrëveshje për bashkëqeverisje për mandatin e ardhshëm qeverisës.

Kryetarët e dy subjekteve politike Shaip Surdulli (LDK) dhe z.Fatmir Matoshi (AKR) u shprehen të kënaqur me arritjen e koalicionit siç e quajtën “Koalicion i fitores për Kamenicën”.

Koalicioni i fitores për Kamenicën fton të gjithë qytetarët pa dallim bindje politike dhe përkatësie etnike të mbështesin ofertën tonë për zhvillimin e Kamenicës, për një qeverisje të drejtë, transparente e demokratike thuhet në njoftimin e LDK-së dega në Kamenicë./rajonipress/