LDK në Kamenicë mobilizohet për zgjedhjet e ardhshme

Kamenicë – Me këtë qasje, synojmë të kontribuojmë në ndërtimin e një të ardhmeje më të mirë për komunën tonë dhe për Kosovën në përgjithësi. Bashkë do t’i arrijmë qëllimet tona është thënë në takimin e degës së LDK-së në Kamenicë.

Njoftimi i plotë i LDK-së në Kamenicë:

Kryesia e Degës së LDK-së në Kamenicë ka mbajtur mbledhjen e radhës, ku u diskutuan çështje të rëndësishme që lidhen me përgatitjet për zgjedhjet e ardhshme.

Pikat kryesore të rendit të ditës përfshinë analizën e situatës aktuale në teren, organizimin dhe mobilizimin e anëtarësisë, si dhe strategjitë për të forcuar bashkëpunimin dhe koordinimin ndërmjet strukturave tona.

Në këtë mbledhje u theksua rëndësia e angazhimit aktiv të çdo anëtari për të siguruar një proces zgjedhor të suksesshëm dhe për të vazhduar përkushtimin tonë ndaj interesave të qytetarëve.

Me këtë qasje, synojmë të kontribuojmë në ndërtimin e një të ardhmeje më të mirë për komunën tonë dhe për Kosovën në përgjithësi. Bashkë do t’i arrijmë qëllimet tona!