LDK ndjehet e tradhtuar nga Thaçi

Kryeparlamentari Jakup Krasniqi ka deklaruar të hënën se marrëveshja politike ndërmjet liderëve Thaçi- Mustafa– Pacolli, për zgjedhjen e presidentes së Kosovës, Atifete Jahjaga, e cila erdhi në krye të shtetit duke “dalë” nga zarfi i ambasadorit amerikan në Kosovë, Kristofer Dell, ka qenë jokushtetuese.

Sipas tij, u takon akterëve të marrëveshjes që të gjejnë rrugëdalje nga situata e krijuar pas vendimit të Gjykatës Kushtetuese, ku thuhet se Jahjagja ka mandat 5-vjeçar, dhe mund ta ushtrojë postin e presidentes deri në vitin 2016.

Këto komente, kreu i Kuvendit, Jakup Krasniqi, i bëri pas mbledhjes së Kryesisë së Kuvendit, i cili nuk ka parapëlqyer që të komentojë mendimin e Gjykatës Kushtetuese, duke thënë se për këtë çështje duhet të pyeten nënshkruesit e marrëveshjes.

“Akterët e marrëveshjes duhet ta gjejnë rrugën për të dalë nga situata që është krijuar. Unë kam thënë që në fillim se marrëveshja ka qenë jokushtetuese”, ka rikujtuar Krasniqi, i cili qysh në ditën kur është zgjedhur Jahjaga presidente, pati thënë se ajo ka mandat 5-vjeçar…. (shkrimin e plotë mund ta lexoni në numrin e sotëm të Gazetës “Zëri”)