LDK mund të mos e votojë ratifikimin e demarkacionit me Malin e Zi

Një marrëveshje e mundshme e kryeministrit Ramush Haradinaj me Listën Serbe për demarkacionin, mund të lëkundë votën e Lidhjes Demokratike të Kosovës për këtë çështje.

Deputetja e kësaj partie, Valentina Bunjaku-Rexhepi kërkon transparencë rreth marrëveshjes me deputetët serbë.

Sipas saj, Lista Serbe pa kërkuar diçka nuk e voton demarkacionin.

“Në qoftë se bisedimet me Listën Serbe dhe marrëveshjet në mes të kryeministrit me Listën Serbe janë transparente. Jemi kureshtar me ditë se çka është fol dhe me çka e mashtroi Ramush Listën Serbe. Ne si LDK do ta përkrahim por jo ma qenë transparente bisedimet mes Haradinajt dhe Listës Serbe’, tha ajo për Tribuna Channel.

Ajo u shpreh skeptike rreth asaj se a i ka siguruar qeveria votat demarkacionin apo jo.

Ndërkohë zëvendëskryeministri Fatmir Limaj ka mohuar se Lista Serbe ka kërkuar diçka në këmbim të demarkacionit.

“Njerëzit kanë vështirësi, probleme të natyrave të ndryshme. Duan kohë, e kanë të vështirë”, është shprehur Limaj për televizionin publik të Kosovës.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).