LDK kërkon heqjen e vendimit të kushtëzimeve

Gjilan -Pas rekomandimit të Ministrisë së Adminstrimit të Pushtetit Lokal (MAPL), dërguar kreut të komunës së Gjilanit Qemajl Mustafa për heqjen e kushtëzimeve për qytetarët, LDK kërkon nga kreu i komunës që me vendim të menjëhershëm të tërheqë vendimin e kushtëzimeve të qytetarëve të marr padrejtësisht ndaj tyre.

Sarandë Bllaca zyrtarë për informim në LDK tha se ky subjekt politik shumë herë ka kontestuar këtë vendim duke pasur për bazë mirëqenien ekonomike që ka sot qytetari gjilanas.

“LDK mendon se ka forma të tjera për t’i bindur qytetarët t’i kryejnë obligimet ndaj institucioneve të tyre.Ministria e Administrimit të Pushtetit Lokal (MAPL) vetëm ka vulosur konstatimin tonë që kemi deklaruar se me këto vendime kreu i komunës është në kundërshtim me ligjet e legjislacionit” tha bllaca.

LDK edhe njëherë i bënë thirrje kreut të komunës së Gjilanit që t’i zbatojë në tërësi rekomandimet e marra nga MAPL dhe menjëherë t’i heqë këtë barrë të rëndë që është duke e bartur mbi supet e veta qe një kohë të gjatë qytetari gjilanas.

Ne mendojmë që “sqarimet” tjera të kërkuara nga kreu i komunës për t’i bindur MAPL ta ndryshojnë rekomandimin e tyre, nuk është gjë tjetër pos gabim spektakular i radhës që jemi mësuar t’i shohim nga ky pushtet,që interesat e tyre janë më të rëndësishme se ato qytetare tha Bllaca./rajonipress/