Lavdërohet Shaqiri

Xherdan Shaqiri po shfaq formë të shkëlqyeshme në fazën përgatitore të Bayern Munichut. Futbollisti kosovar po luan rregullisht me ekipin Bavarez dhe krahas lojës së mirë, po shënon edhe gola.

Paraqitjet e 20 vjeçarit janë përshëndetur nga mediat zvicerane, posaçërisht nga uebfaqja 20min.ch.

“Në çdo ndeshje miqësore, Xherdan Shaqiri e jep më të mirën nga vetja. Të martën, ai i kishte realizuar dy gola, ndaj një ekipi amator. Ndërkaq, të mërkurën shënoi sërish, ndaj ekipit Kaiserslautern.

Ai nuk po ndalet”, shkruan kjo uebfaqe. Kundërshtari i radhës, ai më seriozi, i Bayernit do të jetë Werder Bremeni, në fundjavë. Shaqiri do të luftojë për një vend titullari edhe në këtë përballje, e para zyrtare për të.