Lajmërohet më në fund PDK, falënderon qytetarët dhe përkrahësit e saj në Gjilan

Gjilan – Pas disa mandateve, me krenari njoftojmë se Gjilani dhe Anamorava po përfaqësohet sërish në Kuvendin e Kosovës me deputetin Arben Mustafa, falë mbështetjes së fuqishme të qytetarëve tanë dhe përkrahjes së gjerë nga të gjitha komunat e Kosovës ka shkruar Riad Rashiti.

Postimi i plotë:

Urimet më të përzemërta për deputetin Arben Mustafa për këtë sukses të merituar. I urojmë shëndet, punë të mbarë dhe suksese të vazhdueshme në përfaqësimin e interesave të qytetarëve.

Njëkohësisht, urime edhe për kandidatët e tjerë të Gjilanit për rezultatet e arritura, në veçanti për Aurora Osmanin, për angazhimin dhe kontributin e treguar gjatë gjithë procesit zgjedhor, si dhe falënderim i veçantë për Selver Xhelilin dhe Adrijana Latifin për mobilizimin, përkushtimin dhe punën e palodhshme gjatë kësaj fushate.

Një falënderim i madh për Izmi Zekën dhe për të gjithë anëtarët e shtabit zgjedhor, përfaqësuesit e nëndegëve dhe secilin anëtar e anëtare të strukturave të Degës së PDK-së në Gjilan, për kontributin dhe angazhimin e tyre të çmuar.

Në mënyrë të veçantë, falënderojmë qytetarët e Gjilanit, votuesit dhe përkrahësit tanë besnikë, për besimin, mbështetjen dhe përkrahjen e vazhdueshme ndaj PDK-së. Ky sukses është rezultat i drejtpërdrejtë i besimit tuaj.

Me respekt dhe mirënjohje të thellë për secilin kontribut tuajin.

Respekt e paçi dhe shëndet.

Riad Rashiti,

Kryetar i Degës PDK Gjilan