Ish-LDK-isti kontrovers, që derisa ishte në partinë e themeluar nga ish-Presidenti Ibrahim Rugova përplasej shpesh me shefat e vetë, tash inkurajon partinë ku gjendet që të hyjë në koalicion me partinë e Kryeministrit Thaçi.
Ali Lajçi, tash anëtar i kryesisë së AAK-së së Ramush Haradinajt thotë se është i pajtimit që partia e tij të hyjë në koalicion me PDK-në nëse kjo është në interes të Kosovës, për shtet ligjor dhe integrim të veriut.
Ai në një intervistë për “Epoka e Re” ka thënë se para se të ndodhë ky koalicion, të dy partitë duhet të ulen dhe të bëjnë një strategji për veprime të mëvonshme.
“Unë jam pro koalicionit por që me u marr vesh njëherë si dhe çka. Duhet ë bisedohet e çka është në dobi të shtetit dhe funksionimit të shtetit ligjor.
Duhet të caktohen programe dhe strategji veprimi të mëvonshme para se të bëhet koalicioni”, ka thënë Lajçi.
