Lajçak falënderon Francën për mbështetjen e dialogut Kosovë-Serbi

I dërguar i posaçëm i Bashkimit Evropian për dialogun ndërmjet Kosovës dhe Serbisë, Miroslav Lajçak, vizitën e parë në vitin 2024 e ka realizuar në Paris ky është takuar me Sekretaren e Shtetit për Çështje Evropiane, Laurence Boone dhe këshilltarin diplomatik të presidentit të Francës, Emmanuel Bonne.

Lajçak, përmes një postimi në platformën sociale “X”, ka thënë se është mirënjohës për mbështetjen franceze për dialogun mes Kosovës dhe Serbisë.

“Sapo përfundova vizitën time të parë të vitit 2024, e cila më çoi në Paris. Kisha takime shumë të dobishme dhe të rëndësishme në Quai d’Orsay dhe Élysée për t’u përgatitur për muajt në vijim. Mirënjohës për mbështetjen e fortë franceze për dialogun e lehtësuar nga 🇪🇺 dhe punën time”, ka shkruar Lajçak, tranmseton Telegrafi.

Just wrapped up my first visit of 2024, which took me to Paris 🇫🇷. Had very useful and important meetings at the Quai d’Orsay and the Élysée to prepare for the months ahead. Grateful for the strong French support to the 🇪🇺-facilitated Dialogue and my work. pic.twitter.com/duZWjWbnfP

Ndryshe, Franca ka caktuar Rene Troccaz emisari Special i Francës për Ballkanin Perëndimor, i cili vizitoi Kosovën pas ngjarjeve në veri të Kosovës, vitin e kaluar. /Telegrafi/