Uji Dea

Kuvendi, teatër për fushatë!

/ 2 minuta lexim

Kuvendi i Kosovës është shndërruar në teatër antik të tragjikomedive, ku politikanët aktrojnë drejtpërdrejt para ekraneve televizive dhe në të njëjtën kohë bëjnë edhe fushatë elektorale.

Kjo u dëshmua vetëm brenda një jave në rastin e kryeministrit Hashim Thaçi, i cili dështoi dy herë radhazi në përpjekjet e tij për të raportuar para Kuvendit rreth dialogut që po e zhvillon në Bruksel me homologun serb, Ivica Daçiq.

Eco Higjiena

Se Kuvendi i Kosovës është shndërruar në një arenë të ngjarjeve interesante që lidhen sidomos me përmbushjen e një obligimi që e kërkon Rezoluta e Kuvendit për dialogun me Serbinë nga ana e kryeministrit Thaçi, këtë e pranojnë edhe vetë kuvendarët. Grupet parlamentare opozitare nuk e vlerësojnë raportimin e Hashim Thaçit para dhe pas çdo takimi në Bruksel, duke thënë se kryeministri është një formalist, dhe si i tillë po raporton, shkruan gazeta Zëri.

Në partinë e kryeministrit Thaçi, ndërkaq thonë se skenat e fundit të opozitës janë fushatë elektorale që do t’u kthehet bumerang. Praktikat e tilla kanë filluar “të mbillen” sidomos pas takimit të pestë në Bruksel, kur kryeministri Thaçi erdhi në Kuvend për të raportuar. /Indeksonline/