Kuvendi ia përgatit “arkivin” qeverisë së re

Mbi 12 ligje e 20 raporte të agjencive të pavarura, kanë mbetur pa u shqyrtuar nga Kuvendi i shpërbërë ditë më parë. Disa organe të pavarura kanë mbetur të pakompletuara me anëtarë bordesh.

Në gjysmë kanë mbetur edhe ndryshime ligjore të kushtetutës për Gjykatën Speciale, njëjtë siç kanë mbetur edhe ndryshimet për krijimin e ushtrisë së Kosovës, shkruan Tribuna.

Sipas praktikës parlamentare, Kuvendi i bën gati “arkivin” me projektet e papërfunduara dhe e pret Qeverinë e re për tija dorëzuar.

Më pas, i takon Qeverisë së re të vendos nëse dëshiron që të njëjtat projekte t’i procedojë sërish në Kuvend.