Kushtetuesja shpërblen stafin me mëditje duke shkelur rregullat financiare

Gjykata Kushtetuese e Kosovës është përkujdesur që përveç pagës mujore stafin e vet ta shpërblejë edhe me mëditje të tjera.

Institucioni që për mandat ka mbrojtjen e Kushtetutës ka ekzekutuar pagesa shtesë për grupet e brendshme punuese për aktivitetet e kryera gjatë orarit të rregullt të punës.

Dy grupe punuese të themeluara nga ky institucion, në përbërje prej 10 anëtarëve, për dy muaj janë paguar në vlerë prej 3 mijë e 200 eurosh.

Kjo është bërë në kundërshtim me rregullën financiare numër 01/2013/MF, për shpenzimin e parave publike, ku pagesat për komisionet e brendshme për punën e bërë gjatë orarit të rregullt të punës nuk janë të lejueshme./koha/