Kurz takohet me Haradinajn, thotë se dialogu me Serbinë është shumë i rëndësishëm

Kancelari i Austrisë, Sebastian Kurz edhe në takimin e tij me kryeministrin e Kosovës, Ramush Haradinaj ka ritheksuar rëndësinë e dialogut mes Kosovës dhe Serbisë në stabilitetin në rajon raporton “Zëri.info”.

“Është mirë të jesh këtu në Kosovë, dëshiroj të ju falënderoj Kosovën për miqësinë e dyanshme. Jemi shumë të lumtur që jemi një nga investitorët më të mëdhenj në vend dhe dëshiroj të them se jemi këtu që të ju mbështesim. Përmes kësaj foltoreje, do dëshiroja që t’i ftoja qytetarët e Kosovës që të mbështesin dialogun me Serbinë me qëllim që të arrihet stabiliteti në rajon. Kjo është shumë e rëndësishme”, tha Kurz.

Ndërkohë kryeministri Haradinaj ka falënderuar kancelarin Kurz për të gjithë ndihmën që Austria i ka dhënë Kosovës ndër vite.

Ai theksoi se temë e bisedimeve me Kurz ishte edhe zhvillimi i Kosovës por edhe rajoni në përgjithësi/ZERI/