Kurti: Shtratin për Murin e ka shtruar Isa Mustafa

Deputeti i Lëvizjes vetëvendosje, Albin Kurti, në seancën e thirrur për murin në Veri të Mitrovicës theksoi se shtratin për ta ndërtuar murin në Veri të Mitrovicës e ka shtruar Kryeministri i Kosovës, Isa Mustafa kur nënshkroi marrëveshjen dhe pranoi që ajo pjesë të bëhet shëtitore.

Sipas Kurtit, ndërtimi i murit s’është çështje ndarjeje, sepse, sipas tij, ndarja ka ndodhur qysh moti, por ky mur shtynë bashkimin e Mitrovicës drejt pamundësisë.

Kurti po ashtu ka thënë se edhe pse ShIK-u, që sipas tij ka qenë shumë aktiv në Mitrovicë, asnjëherë s’u ndesh me strukturat paralele.