Kurti : Qeveria nuk po krijon kushte për investime

Gjilan –Albin Kurti potencoi nevojën e investimeve në Kosovë nga ana e bashkatdhetarëve, por potencoi pengesat për një gjë të tillë për shkak të moskrijimit të kushteve nga ana e Qeverisë së Kosovës.

Në një bashkëbisedim me bashkatdhetarët e Gjilanit Albin Kurti, foli për situatën aktuale politike dhe ekonomike në vend si edhe për rolin pozitiv që e kanë luajtur dhe po e luajnë bashkatdhetarët tan në të gjitha fazat e zhvillimeve politike, por edhe të mirëqenies së qytetarëve që jetojnë në Kosovë.

Kurti potencoi nevojën e investimeve në Kosovë nga ana e bashkatdhetarëve, por potencoi pengesat për një gjë të tillë për shkak të moskrijimit të kushteve nga ana e Qeverisë së Kosovës.

Kurti, kërkoi nga bashkatdhetarët që në vendet ku jetojnë ta shpjegojnë të vërtetën mbi Kosovën dhe dhunën e Serbisë në të kaluarën dhe ndërhyrjen e saj sot, për destabilizimin e Kosovës si dhe planet e saj në këtë drejtim.

Ai foli edhe për dëmet që po ia sjellin vendit bisedimet pa kushte me Serbin, privatizimi i ndërmarrjeve publike pa kritere, korrupsioni i lart etj.

Bashkatdhetarët ngritën shumë çështje që kanë të bëjnë me situatën politike dhe ekonomike në vend e deri te problemet në të cilat ata po hasin në sportelet e administratës komunale./rajonipress/