Kurti premton zvogëlim të kabinetit qeveritar

Kandidati për kryeministër i Lëvizjes Vetëvendosje!, Albin Kurti, ka bërë me dije se do ta zvogëlojë kabinetin qeveritar në rast se kjo lëvizje do t’i fitojë zgjedhjet parlamentare të 11 qershorit.

Ai gjatë një ligjërate me studentët e Kolegjit ISPE, ka thënë se do t’i bashkojë disa ministri si dhe nuk do të emërojë askund më shumë se nga një zëvendësministër.

Sa i përket liberalizimit të vizave, Kurti ka thënë së ky proces më shumë varet nga sundimi i ligjit se sa demarkacioni me Malin e Zi.

Ai ka theksuar se për demarkacionin duhet të bëhet një hetim për të konstatuar shkeljet në këtë në këtë proces. Kurti ka folur edhe për vizionin e tij për zhvillimin e ekonomik i cili mbështetet në bujqësi, energji dhe miniera e minerale. Po ashtu, ai ka folur edhe për rolin e faktorit ndërkombëtarë në Kosovë si dhe raportet e Vetëvendosje!-s me Tiranën zyrtare.