Kurti: Dikush e ka mizën ndër kapuç

Gjatë takimit me qytetarët e Pejës të organizuar nga Lëvizja Vetëvendosje në orët e mbrëmjes, lidhur me situatën politike në vend, kreu i kësaj lëvizjeje, Albin Kurti nuk është lënë pa u pyetur rreth kundërpërgjigjes që ka marrë nga nënkryetari i LDK-së, Lutfi Haziri, përcjell Koha.net.
Haziri ka thënë se vetëm hajni është në gjendje që të klasifikojë hajnat.

Por interesimit të qytetarëve për një përgjigje, Kurti i është përgjigjur se nuk iu kushton rëndësi deklaratave të tilla, raporton korrespondenti i Kohës Ditore në Pejë.

E pas insistimit të gazetës, i pyetur për këto akuza, Kurti është përgjigjur shkurt: “E thash edhe brenda, por si duket dikush e ka mizën ndër kapuç”, ka thënë shkurt Kurti dhe nuk ka dashur të flasë më shumë për këtë çështje.