Kurti: Abdixhiku me njoftoi për situatën në LDK, tash na duhet mbledhje e re e Kryesisë për të parë mundësitë si të ecim para

Kryeministri në detyrë, Albin Kurti, është deklaruar lidhur me takimin që ka pasur pasditen e sotme, me liderin e Lidhjes Demokratike të Kosovës, Lumir Abdixhikun, përcjell Gazeta Express.

Kurti, ka deklaruar se, Abdixhiku e ka njoftuar atë lidhur me situatën që ekziston brenda LDK’së.

Tutje, Kurti ka shtuar se edhe ai, e ka njoftuar të parin e LDK’së, për diskutimet me grupin parlamentar të VV’së.

‘’Nga kryetari Abdixhiku jam njoftuar mbi situatën që ekziston në subjektin e tij. Gjithashtu e njoftove edhe unë për diskutimet me GP të LVV. Tash na duhet një mbledhje e re e Kryesisë për të parë se cilat janë mundësitë që të ecim përpara. Vazhdojmë të jemi optimistë, ndonëse situata është më e vështirë se më parë”, ka thënë Kurti.

Ndryshe, dje, gjashtë deputetë të LDK’së kanë dalë kundër marrëveshjes së Kurtit dhe Abdixhikut për presidentin, ku është propozuar Bekim Sejdiu për këtë pozitë.