Kurorëzohet qifti i parë shqiptarë në komunën e Ranillugut

Gjilan – Në zyrën e Statusit Civil të komunës së Ranillugut është bërë kurorëzimi i parë. Me fjalën “po” bashkëshortët Arton Dubova (28) dhe e zgjedhura e tij Xhevahire Feka (28) nga mëhalla e Dubovëve, vendosën kurorën fatlume të martesës.

Aktin solemn të kurorëzimit, e ka bërë ofiqarja në zyrën e Statusit Civil të komunës së Ranillugut zonja Simiq-Tasiq Javorka, e cila me kënaqësi të posaçme ka kryer procedurën e kurorëzimit të bashkëshortëve të rinj.

Në aktin final, gjithashtu kanë marrë pjesë edhe të punësuarit në komunën e Ranillugut, me dëshirë që të ofrojnë përkrahje këtij çifti bashkëshortor.

Komuna e Ranillugut për çiftin e ri do të dhuroj mjete në vlerë prej 100 euro.
Sipas Rregullores për ndarje të subvencioneve, për të gjitha çiftet bashkëshortore të cilat aktin e kurorëzimit e kanë bërë dhe do ta bëjnë në të ardhmen në komunën e Ranillugut , do të ju ndahet përkrahja materiale në vlerë të 100 eurove./rajonipress/