Kur “punët e hairit” të qeverisjes Haziri ndëshkohen nga votuesit

Gjilan – Lutfi Zharku edhe pse e përuroj fillimin e punimeve në dalje të Gjilanit në Livoq, megjithatë votuesi nuk u mashtrua. Lutës punët e hairit ju kthyen bumerang dhe ka shumë gjasa që ngjashëm të pësoj edhe në zgjedhjet lokale thonë qytetarët.

Një banor i fshatit Livoq po punonte përskaj rrugës e cila u përuruar zyrtarisht me shumë pompozitet nga Lutfi Haziri dhe Lutfi Zharku në prag të zgjedhjeve.

Por votuesit tashmë janë vetëdijesuar dhe nuk po bien në provokime të tilla. Një banor i Livoqit derisa po punonte përskaj rrugës në Livoq tha se kjo rrugë ishte për nevojat e fushatës, por ne nuk u mashtruam. “Bile përkundrazi na irituan sepse na dëmtuan pronat dhe livadhet që i kemi afër. Kur të rrejsh popullin të gjanë më e keqja e Luta ka me gjetën edhe ma keq në zgjedhjet lokale” u shpreh ky banor.

Lutfi Haziri ka promovuar shpesh projekte nën logon “punët e hairit”, por si duket kjo filozofi nuk i dhezi në zgjedhjet e përgjithshme.

Selmani një qytetar rreth të 60-ve thotë se kur pushteti e rrenë qytetarin atëherë ndëshkimi është i pritun. “Politika është rruspi, ama këta politikanët tanë shumë po na krypin” tha Selmani me ironi.

Gëzimi një student gjilanas thotë se komuna e Gjilanit nuk ka pasur projekte apo investime serioze në sektorin e rinisë. “E kemi pasur një Task Forc të kulturës e cila kurrw s`ka funksionuar. Ajo u krijua për të punësuar militantë partiak dhe analfabetët e qytetit sepse kurrw hajr prej atij sektori nuk ka pasur”.

Edhe Zymeri një punëtor krahu thotë se ka qenë disa here te zyra e Lutës, por e ka të vështirë ta kontaktojë. “Kur po shkojë te dyert e komunës veç truproja po shoh tuj pi cigare edhe nuk po lanë me hyp naltë. Kryetari është për qytetarin dhe nëse nuk e pret popullin mjerë për ta çka e gjen në zgjedhjet lokale” tha Zymeri.

Luani një jurist i papunë tha se Lutfi Haziri të vetmin shpëtim e ka Vetëvendosjen. “Nëse Vetëvendosje e ndihmon në zgjedhjet lokale atëherë mund të del nga kriza, në të kundërtën Luta humbjen e ka të sigurt sepse është krijuar perceptimi qytetar se kjo qeverisje po e dëmton qytetarin me drejtor të paditur dhe me klane mafioze të krijuara brenda qeverisjes komunale. Shikoni ndërtimet dhe e gjeni përgjigjen. Pyetne Lutën pse kurrw nuk e bëri riformatimin dhe asnjehër nuk guxoj me i largue drejtorët problematik dhe ata që e kanë shkatërruar këtë qytet”./rajonipress/