Kuqezinjtë kërkojnë start të fuqishëm eliminator

Tiranë – Fitorja është rezultati i vetëm i pranueshëm për kombëtaren e Shqipërisë në ndeshje me Qipron. Kështu ka thënë të enjten në konferencë për shtyp kapiteni i kombëtares Lorik Cana.

Shqipëria të premten (sot, 20:30) në stadiumin kombëtar “Qemal Stafa” në Tiranë, pret Qipron në ndeshjen e parë eliminatore për kampionatin botëror “Brazili 2014”.

Barazimin eventual, Cana e llogarit si zhgënjim, ndërsa humbjen nuk ka dashur as ta përmend.

Shqipëria synon që në ciklin e ardhshëm eliminator të bëjë ndonjë hap para në krahasim me ciklet e kaluara. Për këtë arsye, fitorja në ndeshjen e parë llogaritet shumë e rëndësishme.

Në hapje të eliminatoreve, Shqipëria së fundi ka humbur në vitin 2000 kur u mposht nga Finlanda. Më 2002, barazoi me Zvicrën, ndërsa në shtator të vitit 2004 u shënua fitorja historike kundër Greqisë, që sapo ishte shpallur kampione e Evropës. Pasuan barazimet me Bjellorusinë, Suedinë e Rumaninë. Në kombëtare vlerësojnë se tani sërish është koha për fitore. Qipro llogaritet kundërshtare shumë më e dobët se që ishte Greqia në vitin 2004 (më gjerësisht sot në “Koha Ditore”).