Kundër-korrupsioni, pa udhëheqës

Ka më shumë se katër muaj qëkur është arrestuar shefi i Task-Forcës kundër korrupsionit i Prokurorisë Speciale të Kosovës, Nazmi Mustafi, dhe që nga ajo kohë, krerët e drejtësisë, nuk kanë zgjedhur personin tjetër që do ta udhëhiqte luftën kundër korrupsionit në nivel të lartë, raporton zëri.

Për të mos e tollovitur Prokurorinë Speciale me lëndët që ka qenë duke i hetuar prokurori Mustafi, i cili që nga arrestimi gjendet në paraburgim, kryeprokurori i shtetit e ka dërguar një prokurore komunale si përforcim në këtë prokurori.