Kuçi, veç Thaçit i rri zëvendës

Zëvendëskryeministri i Qeverisë së Kosovës, Hajredin Kuçi, nuk dëshiron të komentoj deklaratat e shefit të tij në lidhje me atë që për asnjë çmim nuk do t’ia jap postin e kryeministrit, Aleancës për Ardhmërinë e Kosovës (AAK).

“Nga ky pozicion nuk jap përgjigje partiake… Zakonisht kur flasin tjerët, kryeministri i korrekton, kur flet kryeministri ne të tjerët nuk e korrektojmë”, ka thënë Kuçi.

Ndërkohë, në lidhje me atë se a mund të pritet një reformatim i Qeverisë, ai ka thënë se pritet një bashkëpunim mes PDK-së dhe AAK-së.

“Pritet për një bashkëpunim të dy partive politike dhe unë jam këtu për me mbrojtur qëndrimin e Qeverisë. Qeveria ende nuk ka qëndrim për këtë çështje, ndërsa partitë politike kanë selitë diku tjetër”, ka thënë ai, transmeton KP.

Zëvendëskryeministri dhe njëherë ministër i Drejtësisë, ka deklaruar se në Kosovë për pak njerëz do të pranonte të i jetë zëvendës.

Këto komente zëvendëskryeministri Kuçi i bëri në një konferencë për media pas mbledhjes së kabinetit qeveritar.