Kuçi: Rezoluta serbe nuk do të jetë në tavolinë

Zëvendëskryeministri i Kosovës, Hajredin Kuçi vlerëson se Rezolutë serbe për Kosovën është e destinuar për përdorim të brendshëm dhe se ajo nuk do të jetë në tavolinën e bisedimeve në Bruksel.

“Do ta trajtojmë vetëm si një letër për përdorim të brendshëm. Platforma e Serbisë nuk është në tavolinë për bisedime dhe nuk do të jetë. Kjo i bie sikur ne të hartonim një platformë për Luginën e Preshevës. Ata e kanë bërë këtë për përdorim të brendshëm dhe ta vendosin para aktit të kryer bashkësinë ndërkombëtare, jo neve”, ka thënë Kuçi për Deutsche Welle.

Analisti kosovar, Leon Malazogu vlerëson se Rezoluta nuk do ta pengoj dialogun Kosovë-Serbi.

Sipas tij, ndryshimet e caktuara në tekstin e platformës sipas së cilës edhe është miratuar Rezoluta për Kosovë janë pozitive. “Për nevojat e brendshme të Serbisë platforma iu hap mundësi autoriteteve në Beograd që në mënyrë konstruktive të përfshihen në dialog me Prishtinë. Mendoj se Beograd nga ky moment do të fokusohet dhe të zgjidh të drejtat e serbëve brenda institucioneve të Kosovës”, ka thënë Malazogu. (ORAinfo)