Kuçi: Prokurorët duhet të jenë si priftërinjtë

Ministri i Drejtësisë, Hajredin Kuçi në konferencën e prokurorëve ka thënë se e di sa e rëndë është puna e tyre dhe perceptimin e tyre në opinion. Ai bëri edhe një krahasim të prokurorëve me klerikë fetarë.

“E di që nga ju kërkohen të zgjidhen edhe çështje të problemeve politike. Por sa më shumë që funksionalizohet drejtësia fuqizohet shteti ku jetojnë edhe familjet e juaja”, ka thënë Kuçi, transmeton Koha.net.

Kuçi më pas tha se drejtësia është e forte aq sa janë edhe prokurorët dhe se nëse arrijnë drejtësinë, janë edhe më të qetë në shpirt.

Ministri Kuçi i ka krahasuar prokurorët me priftërinjtë. “Kur dikush dëshiron të bëhet prift, lë pas një pjesë të jetës jashtë profesionit dhe ai bëhet i besueshëm për besimtarët që edhe të rrëfehen tek ata, ashtu duhet të jenë edhe prokurorët”, tha Kuçi, duke shtuar se prokurorët nuk duhet të ndikohen nga askush dhe të mbledhin prova për rastet e tyre.

http://koha.net/?id=27&l=88648