Kuçi: PDK-ja do të jetë konstruktive

Zyrtarë të lartë të PDK-së në krye me kryetarin Hashim Thaçi kanë zhvilluar një takim me presidenten e Kosovës, Atifete Jahjaga. Gjatë takimit është diskutuar rreth mundësisë së daljes nga “ngërçi” politik.

Nënkryetari i PDK-së, Hajredin Kuçi ka thënë se PDK-ja do të jetë konstruktive në këtë proces.

“Ne do të jemi konstruktiv dhe mendojmë që zgjedhjet duhet të jenë zgjidhja e fundit. Megjithatë, nëse do të jetë e nevojshme për zgjedhje ne jemi të gatshëm”, ka thënë Kuçi.

Gjatë ditës pritet që presidentja Jahjaga të ketë takim edhe me përfaqësues të partive tjera politike. /Telegrafi/