Kuçi kthehet në Kryeministri

Prishtinë – Kryeministri i Republikës së Kosovës, Hashim Thaçi ka shqyrtuar shkaqet e ofrimit të dorëheqjes së zëvendëskryeministrit dhe ministrit të Drejtësisë, Hajredin Kuçi, e ofruar më 22 qershor, dhe konstatoi se shkaqet që e çuan në dorëheqje tanimë nuk ekzistojnë.

Kryeministri Thaçi fton zëvendëskryeministrin Kuçi që të vazhdojë me përkushtim dhe përgjegjësi ushtrimin e funksioneve që ka mbajtur deri më tani në Qeverinë e Republikës së Kosovës, thuhet në një komunikatë të Kryeministrisë drejtuar medieve me rrugë elektronike.

Burime të afërta me Hajredin Kuçin pohojnë se pas heqjes së neneve 37, 38 e 39 në Kodin Penal, që cenonin lirinë e medias në Kosovë, është arritur efekti i dorëheqjes, që do të thotë se do të rikthehet në postet që kishte në Kryeministri.

Dorëheqja e Kuçit asnjëherë nuk ishte miratuar.