Kuçi: Edhe opozita ka arsye ta votojë Thaçin për President

Nënkryetari i Partisë Demokratike të Kosovës, Hajredin Kuçi ka thënë se nuk ka arsye të bëhet debat për zgjidhjen e Presidentit të vendit.Ai ka bërë me dije se këtë herë zgjedhja e Presidentit është në një proces shumë më të qartë që ka pasur Kosova në zgjedhjen e presidentëve deri më tani.

Kuçi për ‘Epokën e Re’ ka thënë se deputetët e koalicionit qeverisës kanë arsye më shumë se marrëveshja politike për ta votuar Thaçin për President.

“Ndërsa shumë deputetë të opozitës kanë arsye ta mbështesin dhe, pse jo, ta votojnë kandidatin që kanë një të kaluar të përbashkët dhe përfaqëson vlerat në emër të të cilave ata kanë ndërtuar subjektet politike dhe identitetin politik”, ka deklaruar Kuçi.