Kuçi: Do të diskutojmë me LDK-në për hapat e mëtejmë, vendimet do të jenë në interes të vendit

Nënkryetari i Partisë Demokratike të Kosovës, Hajredin Kuçi në një deklaratë për media pas mbledhjes së PDK-së, tha se vendimet që do t’i marrë kjo parti do të jenë në koordinim të plotë me partnerin e koalicionit.

Ai nuk foli për mocionin e opozitës për rrëzimin e Qeverisë, duke thënë se votat e deputetëve janë të pavarura.

Kuçi më tej tha se takimet me zyrtarët e LDK-së janë intensive dhe fillimisht me partnerin e koalicionit do të bisedojnë për gjendjen aktuale dhe hapat që do t’i ndërmarrin.

“PDK vendimet do t’i ketë të qarta”, tha ai, duke shtuar se po ashtu kjo partie në ditët në vijim do të jetë e vëmendshme.

Duke folur për pozitën e Veselit si kryeministër, ai tha se çdokush që është kryetar partie përgatitet që të jetë kryeministër. /Telegrafi/