Kuçi, “bllok” gazetarëve

Janë bërë disa javë që gazetarët kosovarë e kanë pothuajse të pamundur që të raportojnë “siç duhet” për Qeverinë e Kosovës, për vendimet e saj, dhe kështu rrjedhimisht ta kryejnë punën e tyre në mënyrë profesionale.

Edhe zyrtar i vetëm i “autorizuar” që të flasë në emër të ekzekutivit kosovar, zëvendëskryeministri dhe ministri i Drejtësisë, Hajredin Kuçi, i cili deri më tani në mungesë të një zëdhënësi komunikonte me gazetarë, ka vendosur që t’ua bëjë bllok medieve, derisa ministrat tjerë s’kanë “të drejtë” të flasin për çështje që dalin jashtë dikastereve të tyre, shkruan “Zëri”.

Ndërkohë që janë bërë gati dy vjet që nga ardhja në pushet e Qeverisë “Thaçi 2” dhe ende nuk kanë një zëdhënës.
Kuçi, që në një farë forme e ka luajtur rolin e zëdhënësit, në të shumtën e rasteve ka komunikuar vetëm me mesazhe telefonike, para rreth një muaji e ka ndërruar numrin e telefonit, ndërsa numrin e ri është duke e mbajtur “top- sekret”./Indeksonline/