Ku dallojnë Isa Mustafa e Ramush Haradinaj, sipas Glauk Konjufcës

Kur kryeministri Ramush Haradinaj po përplasej me Grupin Parlamentar të LDK-së, duke e akuzuar këtë parti se kur ishte në pushtet e kishte lënë vendin pa ushtri, tutje ka marrë fjalën Glauk Konjufca, i cili ka thënë se Qeveria e kaluar e drejtuar nga LDK-ja me Qeverinë e tanishme të Haradinajt, nuk kanë asnjë dallim. Konjufca ka thënë se edhe pse po akuzojnë njëra-tjetrën, Qeveria e kaluar me këtë të tashmen nuk kanë asnjë dallim, pos që kryeministri Ramush Haradinaj vrapon më shpejt se Mustafa.

“I vetmi dallim që ka Qeveria e kaluar me Qeverinë e tanishme është se kryeministri Haradinaj vrapon më shpejt”, ka thënë Konjufca në foltoren e Kuvendit, transmeton Express.

“Kryeministri po zihet me LDK-në se kush e pamundësoi Qeverinë. Kjo ishte për të devijuar e për t’i ikur përgjegjësisë. Në tavolinë janë dy opsione për ushtrinë e kryeministri, u duhet të na tregojë për cilin version do të përcaktohet”.

Konjufca ka pyetur kryeministrin pse s’po vazhdon të merret me krijimin e ushtrisë, e cila krijon konsensus mbarë politik, por po merren me tema që ndajnë partitë, si tema e Demarkacionit. /Express/