Kthehet terri

Telashet me blloqe janë kthyer në Korporatën Energjetike të Kosovës. Kështu bashkë me motin e ftohtë janë kthyer edhe reduktimet e energjisë. Rënia e bllokut B1 të shtunën ka lënë në terr shumë qytetarë të shumë komunave në Kosovë.

Në KEK thonë se situata është përmirësuar me evitimin e problemeve teknike, por qytetarët ankohen se nuk po e marrin shërbimin për të cilin po paguajnë.

Shumë banorë të qyteteve të ndryshme të Kosovës ditën e parë të vikendit e kanë kaluar në terr. Më së shumti janë ankuar për mungesë të rrymës qytetarë nga Podujeva, Mitrovica, Vushtrria e disa fshatra të komunave tjera.

Shkaktar i mungesës së energjisë elektrike, sipas Korporatës Energjetike të Kosovës, ka qenë dalja nga prodhimi i bllokut B1.(express)