Kryqi i Kuq ndihmon familjet e prekura nga vërshimet

Gjilan – Kryqi i Kuq në Kamenicë pas vërshimeve që ndodhën në këtë qytet u ka dalur në ndihmë disa familjeve nevojtare në Krilevë, Berivojcë, Koretin, Hogosht, Hodonoc, Shipashnicë, Dajkoc e Topanicë, të cilët janë ndihmuar me ushqime, dyshek e batanije tha për rajonipress Rexhep Morina.

Rexhep Morina tha se vullnetarët e Kryqit të Kuq menjëherë pas vërshimeve në Kamenicë janë aktivizuar dhe u kanë dalur në ndihmë disa familjeve nevojtare, raporton rajonipress.

Morina tha se janë shpërndarë dyshekë dhe batanije për familjet e prekura nga reshjet e mëdha të shiut dhe vërshimeve në disa fshatra të komunës.

Ndihma kanë pranuar familjet në Krilevë ku katër familje në këtë fshat kanë pranuar dyshek dhe batanije, në Strezoc në një familje, në Kamenicë në dy familje në Berivojcë një familje, në Koretin në pesë familje është intervenuar tha Morina.

Gjithashtu për shkak të gjendjes së rëndë Kryqi i Kuq ka ndihmuar edhe në Hogosht tri familje ku kanë pasur dëme nga uji, pastaj në Roganë janë ndihmuar dy shtëpi, në Hodonoc tri shtëpi, në Shpashnicë tri shtëpi, në Dajkoc një shtëpi, në Topanicë dy familje.

Në këtë shpërndarje kanë marrë pjesë 8 vullnetar të Kryqit të Kuq tha Morina derisa familjet që janë furnizuar me dyshek dhe batanije janë shprehur mirënjohës për angazhimin e stafit të degës së Kryqit të Kuq dhe vullnetarëve të saj./rajonipress/