Kryeziu, mbetet në FC Luzern deri më 2015

Para se të përtërinte kontratën me FC Luzernin, talenti shqiptar ishte kërkuar nga një numër klubesh tjera.

Futbollisti i ri dhe shumë i talentuar shqiptar, Hekuran Kryeziu 19 vjeçar ka nënshkruar kontratë të re me klubin e tij të vjetër FC Luzernin, e cila e obligon atë deri në verën e vitit 2015.

Mesfushori Kryeziu, në vitin 2004 si fëmijë 11 vjeçar kishte filluar të stërviste për FC Luzernin. Ndërsa në maj të vitit 2011 ai ka luajtur ndeshjen e tij të parë për skuadrën e parë të këtij klubi, kundër FC Zürich-ut. Pas kësaj ai ka luajtur gjithsej 28 ndeshje në superligë, po për FC Luzernin.

Kryeziu është angazhuar edhe për ekipet e kategorive të ndryshme të përfaqësueses zvicerane të futbollit (U17-U20).

Para se të përtërinte kontratën me FC Luzernin, talenti shqiptar ishte kërkuar nga një numër klubesh tjera.(albinfo)