Kryetari i Ranillugut takohet me bizneset vendore

Gjilan – Gradimir Mikiq ka apeluar tek biznesmenët që t` i përmbushin me rregull obligimet e tyre, që të ju iket gjërave të padëshirueshme të cilat në një mënyrë ndikojnë në zhvillimin e komunës, por edhe në cilësinë e jetës së qytetarëve.

Në organizim të përfaqësuesve të pushtetit Lokal dhe partnerëve nga agjencia donatore ndërkombëtare USAID-i, është mbajtur drekë pune me ndërmarrësit më të aktiv të cilët veprojnë në komunën e Ranillugut.

Së bashku me udhëheqësin e komunës në krye me kryetarin e komunës Gradimir Mikiq, në takim kanë marrë pjesë kryesuesi i Kuvendit të komunës së Ranillugut , Vlladica Aritonoviq, përfaqësuesit e programit të USAID-DEMI-t, si dhe afaristët e komunës.

“Komuna ka identifikuar rëndësinë të cilën kompanitë tuaja kanë në aspektin e pagesës së tatimit për qeverinë lokale dhe shërbimet të cilat i ofroni për qytetarët tanë , siç është sigurimi i vendeve të punës me çka uljet numri i të pa punëve. Ju jeni një faktor i rëndësishëm për zhvillim ekonomik në të ardhmen në nivel lokal dhe së bashku do të përmirësojmë kushtet e jetës së qytetarëve tanë”, ka thënë kryetari Mikiq.

Mikiq ka shtuar se komuna është e gatshme që të ndihmoj dhe të bashkëpunoj, por nëse nuk i mbledhim të hyrat nuk kemi mundësi të zhvillohemi më tutje.

Ai ka apeluar tek biznesmenët që t` i përmbushin me rregull obligimet e tyre, që të ju iket ndodhive të padëshirueshme të cilat në një mënyrë ndikojnë në zhvillimin e komunës, por edhe në cilësinë e jetës së qytetarëve. “Nëse komuna i grumbullon të hyrat e mjaftueshme të gjithë do të kemi leverdi. Komuna ato mjete do t` i investoj në participimin e projekteve të cilat do të kenë rëndësi të madhe për ndërtimin e një të ardhme më të mirë për ne” ka thënë Mikiq.

Me fjalët e kryetarit janë pajtuar edhe përfaqësuesit e organizatës ndërkombëtare të programit të USAID-DEMI-it dhe kanë shtuar se vetëm me bisedime dhe mirëkuptim mundë të arrihet qëllimi i dëshiruar. Zhvillimi i komunës është çështje e përbashkët, kurse biznesmenët si pjesë e shoqërisë mundë të kontribuojnë, me përmbushjen e obligimeve të tyre.

Në takim përfaqësuesit e bizneseve kanë pasur mundësi që të paraqesin mendimin e tyre për këtë temë dhe problemet me të cilat ballafaqohen. Gjithashtu është treguar nevoja për takime më të shpeshta të këtij lloji të cilat janë të rëndësishme për zgjidhjen e problemeve ekzistuese./rajonipress/