Kryetari i Bashkësisë Islame në Gjilan priti ambasadoren e republikës së Turqisë

Gjilan – Kryetari i Bashkësisë Islame, Dr. Mustafa Bajrami falënderoi mysafiren e tij për kontributin që po jep Turqia në proceset politike dhe ekonomike të Kosovës ku edhe përmendi premtimet e zëvendëskryeministrit turk që i kishte dhënë këtij institucioni. Ambasadorja e Turqisë premtoi se ndihmat e Turqisë nuk do të mungojnë as në të ardhmen për Kosovën, e në këtë rast për Bashkësinë Islame të Gjilanit.

Pas vizitës së paradokohshme të zëvendëskryeministrit të Republikës së Turqisë që i bëri Këshillit të Bashkësisë Islame në Gjilan, e fill pas saj edhe të Drejtorit Gjeneral të Agjensionit Shtetëror për Zhvillim të këtij vendi, KBI-në e vizitoi edhe ambasadorja e Turqisë në Kosovë, znj. Songul Ozan me bashkëpunëtorë.

Përgjatë takimit u fol për gjendjen e përgjithshme në vend, me një theks të posaçëm për aktivitetin e Bashkësisë Islame në Gjilan. Sipas ambasadores turke, ky institucion po bënë punë të mbarë, jo vetëm brenda strukturave të veta , por edhe në rrafshet tjera të shoqërisë së komunës së Gjilanit.

Kryetari i Bashkësisë Islame, Dr. Mustafa Bajrami falënderoi mysafiren e tij për kontributin që po jep Turqia në proceset politike dhe ekonomike të Kosovës ku edhe përmendi premtimet e zëvendëskryeministrit turk që i kishte dhënë këtij institucioni.

Mesazhi që del nga pritja që i ishte bërë Muftiut të Kosovës, Naim Tërnava nga kryeministri i Turqisë Taip Erdogan në Ankara, në KBI-në e Gjilanit lexohet si përkrahje serioze që i bëhet Bashkësisë Islame nga shteti turk. Mesazhet e tilla, neve na obligojnë edhe më shumë për punë, kishte thënë në fjalën e vet Dr. Mustafa Bajrami.

Ambasadorja e Turqisë premtoi se ndihmat e Turqisë nuk do të mungojnë as në të ardhmen për Kosovën, e në këtë rast për Bashkësinë Islame të Gjilanit.

Në pritje të mysafires turke morën pjesë edhe kryemami i KBI-së Iljaz Mustafa, Agim Hyseni, Ilmi Krasniqi dhe Naim Aliu./rajonipress/