Kryesia e PDK-së javën tjetër

Bajram Rexhepi, i cili aktualisht mban pozitën e nënkryetarit të PDK-së deri në zgjedhjen e kryesisë së re, ka thënë se në javën e ardhshme pritet të dihet përbërja e kryesisë së PDK-së, shkruan “Epoka e re”.

“Është përmendur se në fund të kësaj jave do të thirret Këshilli Drejtues, faktikisht një konstituim formal i Këshillit Drejtues dhe të dalin propozimet për kryesinë e partisë dhe strukturat përbrenda kryesisë”, ka thënë Rexhepi, duke shtuar se përbërja e kryesisë do të jetë prej 27 anëtarëve.

“Ne jemi përcaktuar të jenë 25+2, ku përfaqësuesi i Forumit të gruas dhe ai i rinisë së PDK-së vijnë automatikisht, pra gjithësejt 27. Unë mendoj se për funksionet të kryesisë është shumë më mirë të jetë numri 25 sesa të bëhen 50 anëtarë”, ka thënë Rexhepi. (ORAifno)