Kryesia e PD-së në Lipjan kërkon dorëheqjen e Aganit
RajoniPress
22:39, 1 Qershor, 2012
Kryesia e Partisë së Drejtësisë dega në Lipjan pas një diskutimi të gjatë rreth gjendjes së krijuar në Partinë e Drejtësisë, ka marrë vendim që të kërkojë dorëheqjen e kryetarit të partisë, Ferid Agani.
“Kërkojmë dorëheqjen e Ferid Aganit nga pozita e kryetarit të Partisë së Drejtësisë dhe të gjitha funksioneve në parti”, thuhet në një komunikatë për media të kësaj dege.
Dorëheqja kërkohet për disa arsye:
– Moszbatimin e Planprogramit të Partisë së Drejtësisë,
– Mosrealizimin e asnjë premtimi elektoral;
– Prishjen, përçarjen, largimin dhe sabotimin e anëtarëve të Partisë së Drejtësisë në qendër dhe degë të ndryshme.
“Nëse Ferid Agani nuk jep dorëheqje brenda 24 orëve ne si degë e partisë së drejtësisë pezullojmë çdo bashkëpunim me Kryesin dhe Këshillin Drejtues të Partisë së Drejtësisë”, thuhet në komunikatë. /Telegrafi/
