Kryeministri Berisha noton 141 minuta në Dhërmi

Dhërmi – Edhe këtë vit, kryeministri i Shqipërisë, Sali Berisha ka zgjedhur sërish bregdetin e Dhërmiut për të kaluar një fundjave pushimi.

I frymëzuar nga shpirti olimpik, kryeministri Berisha, i cili po kalon të dielën me mbesat dhe nipërit në Dhërmi vendosi sot një rekord të ri personal, 141 minuta not në ujërat e detit Jon, kundrejt 132 minutave të një viti më parë, transmeton News24.

Vendosja e rekordit te ri në notin që zgjati nga ora 9:10 të paradites deri në orën 11:31 minuta, kryeministri e cilësoi si një ogur të bardhë për fitoren e merituar të zgjedhjeve 2013.

Kryeministri Berisha tha se beson se në gusht mund të shënojë një rekord tjetër të ri. Pushimi në Dhërmi gjatë sezonit veror për Kryeministrin Berisha, eshtë kthyer në një ritual pothuajse të përvitshëm.