Kroaci: Shqiptari humb jetën në aksident

Tre të rinj shqiptarë janë përfshirë në një aksident të rëndë trafiku në Kroaci. Një 22-vjeçar ka humbur jetën në vendin e ngjarjes, ndërsa dy të tjerë, të cilët ndodheshin në të njëjtin automjet, kanë mbetur të lënduar.

Aksidenti tragjik që i mori jetën 22-vjeçarit ka ndodhur të martën rreth orës 04:25, në autostradën “A1”.

Siç transmetojnë mediat kroate, të lënduar kanë mbetur dy të rinj 25 dhe 29 vjeç. Njëri prej tyre ndodhet në gjendje të rëndë për jetën dhe po merr ndihmë mjekësore në Spitalin Universitar në Split, ndërsa tjetri që ka dëmtime të lehta ndodhet në spitalin në Shibenik.

22-vjeçari, i cili drejtonte automjetin, ka humbur kontrollin e makinës pas përplasjes me mbrojtësen e rrugës. Më pas makina tip “Ford” është përplasur me një shtyllë.

Shkak i aksidentit mendohet se janë kushtet atmosferike./albinfo/