Kriminaliteti i azilkërkuesve në rritje!

Gjithsejtë 14 430 azilkërkues janë regjistruar në gjysmën e parë të vitit 2012 në Zvicër. Më shumë se 19 mijë kërkesa azili janë në shqyrtim e sipër nga Qeveria në Bernë dhe kantonet!

Nga ana tjetër autoritetet kanë alarmuar se Azilkërkuesit në Kantonin e Cyrihut gjithnjë e më shumë po kryejnë vepra kriminale

Kantoni i Cyrihut tani është duke bërë përpjekje nëpërmjet kufizimeve të përballet me këtë tendencë në rritje të krimit nga ana e azilkërkuesve. Kthimi në vendet e origjinës shpesh nuk është i lehtë.

Policia raporton se është rritur numri i delikteve në Cyrih.

“Në 2010, statistikat flasin për 560 raste, një vit më vonë për 923, ndërsa këtë vit deri në dhjetor do të regjistrohen 1300 delikte të tilla”, tha Franz Bättig, shefi i policisë kantonale të Cyrihut.

Policia do të marrë masa në kufizimin e lëvizjes për azilkërkuesit duke ndaluar zona të caktuara në Cyrih.

Zvicra është bërë një vend atraktiv për azilkërkues kriminelë për shkak se dënimet e këtushme janë relativisht të buta në krahasim me vendet e origjinës, transmeton NZZ.Të dënuarit trajtohen mirë në burgje nga autoritetet zvicerane.

Kantoni i Cyrihut po kërkon nga Qeveria Federale në Bernë për zbatimin më të mirë të paraburgimit, deportimit dhe riatdhesimit, tha drejtori për siguri i Cyrihut,Mario Fehr.

“Azilkërkuesit e refuzuar duhet të dëbohen shpejt. Qeveria federale duhet shpejt të lidhë marrëveshje të reja migracioni me vendet e treta. Deri tani, Zvicra ka bërë përparim të vërtetë në drejtim të marrëveshjeve të migracionit me Tunizinë dhe Nigerinë”, tha Fehr.

Me disa vende të origjinës së azilkërkuesve, Zvicra ka ende probleme, veçanërisht me Algjerinë, e cila nuk e konsideron të domosdoshme marrëveshjen. Edhe me Marokun deri tash Zvicra nuk ka arritur të ketë ende marrëveshje.(albinfo.ch)

Shpërndaje.
© RAJONIPRESS