Krijohen qendrat e bizneseve të diasporës në Amerikë dhe Kanada

Qëllimi i projektit të rrjetizimit të bizneseve shqiptare nëpër botë është përafrimi i biznesmenëve shqiptarë dhe bashkëpunimi mes tyre përmes projekteve të përbashkëta dhe investimeve në trojet shqiptare.

Ministria e Diasporës e mbështetur nga IOM dhe UNDP ka vazhduar me projektin e organizimit te Diasporës përmes krijimit te qendrave te rrjetëzimit te bizneseve shqiptare nëpër botë.

Në vazhdën e këtij aktiviteti gjatë javës që e lamë pas këto rrjete u formuan në Londër, Toronto, Detroit, Chicago dhe Dallas.

Delegacionin e Ministrisë së Diasporës i Republikës së Kosovës e ka kryesuar ministri i Ibrahim Makolli, drejtori për diasporë Naim Dedushaj, Ardian Spahiu nga UNDP, Robert Cansel nga IOM, drejtori ekzekutiv i Odës Ekonomike Amerikane Arian Zeka, Irena Kashtell, Elmi Berisha e Besim Malota nga shoqata e biznesmenëve të Kroacisë dhe Nju Jorkut.

Sic raporton Illyriapress ndalesa e parë në kontinentin veriamerikan ishte Toronto e Kanadasë, qytet ky ku jeton një numër jo i vogël i bashkëkombasve tanë.

Me këtë rast u formua dega e rrjetizimit të bizneseve për Kanada dhe u zgjodh kryesia 9 anëtarëshe që do të drejtohet nga biznesmenët Bashkim Breznica kryetar dhe Afrim Gashi nënkryetar.

Gjatë qëndrimit në Toronto ministri kosovar i diasporës, Ibrahim Makolli ka takuar edhe Robert Bejns nga Këshilli për NATO i Kanadasë, i cili është edhe koordinator i shoqërisë kanadeze-shqiptare për NATO me të cilin bisedoi për bashkëpunimin dhe ndihmën e këtij këshilli për Kosovën.

Ndalesa e radhës ishte shteti Michigan, respektivisht qyteti Detroit, ku gjithashu u formua kryesia koordinuese e degës së rrjetizimit të bizneseve shqiptare për Michigan që do të udhëhiqet nga Prenk Gjokaj dhe John Goci.

Në Detroit delegacioni i ministrit Makolli vizitoi fabrikën HTC, pronë e bashkëkombasit tonë Gjergj Juncaj, fabrikë kjo që prodhon profile precize metalike që përdoren edhe në industrinë e ndërtimit të aeroplanëve, e cila zë vendin e tretë në SHBA në këtë lëmi dhe punëson rreth 200 punëtorë.

Delegacioni i Ministrisë së Diasporës qëndroi edhe në Chicago, ku gjithashtu formoi degën e rrjetizimit të bizneseve shqiptare për shtetin e Illinois.

Biznesmenët në Chicago zgjodhën kryesinë 14 anëtarëshe të shoqatës së bizneseve, që do të koordinohet nga biznesmenët Gani Ahmetaj, Valton Hoti, Sedat Sadiku, Afrim Sejdiu e Pajazit Murtishi.

Në Chicago, respektivisht në qytetin Cortland në periferi të Chicago-s u hap edhe Qendra Kulturore Shqiptaro – Amerikane. Hapjen solemne të kësaj qendre e bëri minisri Ibrahim

Makolli i shoqëruar nga bashkëpunëtorët e vet dhe aktivistë të komuitetit.

Ndalesa finale e delegacionit kosovar ishte qyteti Dallas i Teksasit, ku jetojnë një numër solid bashkëkombasish, rreth 5 mijë, por të stabilizuar mirë ekonomikisht dhe të organizuar në baza kombëtare, ku gjithashtu u formua qendra e rrjetizimit të bizneseve për Teksas.

Me këtë rast u zgjodh edhe kryesia 15 anëtarëshe e shoqatës së bizneseve, që do të koordinohet nga veprimtari, kryetar i komunitetit të Dallas-it, biznesmeni Nazar Mehmeti, Ramiz Tafilaj e Ismet Smajli do të jenë nenkryetarë, Kreshnik Bishani sekretar, Bruno Ceka arkëtar dhe Gani Fejza zëdhënës.

Qëllimi i projektit të rrjetizimit të bizneseve shqiptare nëpër botë është përafrimi i biznesmenëve shqiptarë dhe bashkëpunimi mes tyre përmes projekteve të përbashkëta dhe investimeve në trojet shqiptare. /Illyriapress&albinfo.ch/