Kreu i PDK-së takohet me grupe të ndryshme, shqetësuese ikja e të rinjëve

Gjilan – Qëllimi i këtyre bashkëbisedimeve ishte që bashkërisht të ndajmë brengën e ikjes së të rinjëve, dhe të diskutojmë më përmbajtësisht se cila mund të jetë mënyra më e mirë që kjo dukuri të zbehet, e në vazhdimësi të ndalohet ka shkruar Riad Rashiti.

Postimi i plotë i Riad Rashitit:

Kryetari i Partisë Demokratike të Kosovës, z. Memli Krasniqi, viziton Gjilanin
Bashkë me Kryetarin z. Memli Krasniqi, dhe strukturën e degës sonë, sot realizuam vizita e takime të ndryshme.

Filluam ditën me tri takime, me tri familje, fëmijët e të cilëve tashmë kanë migruar jashtë vendit. Në familjen e dëshmorit Arben Ramadani, në familjen Sinani e Arifi.

Qëllimi i këtyre bashkëbisedimeve ishte që bashkërisht të ndajmë brengën e ikjes së të rinjëve, dhe të diskutojmë më përmbajtësisht se cila mund të jetë mënyra më e mirë që kjo dukuri të zbehet, e në vazhdimësi të ndalohet.

Është tejet shqetësues fakti që të rinjët, tash në liri e paqe po kërkojnë jetë gjetiu, anipse në kohën e okupimit që të gjithëve na mbante ideali i ruajtjes së Kosovës në çdo dimension.

Pjesë e agjendës së takimeve të sotme ishin edhe takimet me biznese të ndryshme të cilat operojnë në Komunën tonë.

Diskutuam rreth vështirësive aktuale për të bërë biznes, kriza ekonomike e përgjithshme e në veçanti në vendin tonë. U shkëmbyen ide e përvoja të ndryshme, se si të krijohet klimë më e mirë e e volitshme për biznese.

Dhe së fundi, ditën përmbyllën në fshatin Zhegër, vendin e heronjëve tanë.
Me Kryetarin Memli, dhe të pranishmit diskutuam për preokupimet e qytetarëve tanë, krizën ekonomike, gjendjen politike të përgjithshme të shtetit tonë.

Falënderoj kryetarin e PDK-së z. Memli Krasniqi, gjithë strukturën e degës, dhe pjesëmarrësit e takimeve për kontributin e dhënë sot, përmes ofrimit të ideve e zgjidhjeve, që vendin tonë ta bëjmë më të mirë e të fortë në çdo kuptim.