Krasniqi VS Huck, gati për grushta

Luan Krasniqi sërish do t’i rikthehet ringut. Boksieri Junikas me 16 nëntor do t’i kryqëzoj dorëzat me kampionin e dyfishtë të Evropës në Thaiboks, Uwe Huck.

Meçi i cili do të zhvillohet në Arenën MHP të Ludwigsburgut, do të ketë karaktere humanitarë. Parat e mbledhura nga kjo përballje do të dedikohen për fëmijët nevojtar të SOS Kinderdorf në Prishtinë.

Edhe pse qëllimi i kësaj përballje është humanitare, të dy boksierët kanë premtuar se nuk do të ketë tallje, por do të grushtohen përnjëmend.

Në një konferencë për media që u organizua para meçit, Luan Krasniqi iu drejtua Huck duke i thënë: “T`i deshe një luftë serioze. Ndaj atë do ta kesh, vishu trashë”.

”Zoti i dashur nuk më ka krijuar të gjuaj me topa pambuku. T`i asnjëherë nuk ke boksuar tamam”, i ka thënë Krasniqi Hück-ut.

Ndërsa, edhe Hück ka thënë se këtë përballje do ta merr me seriozitetin më të madh. “Unë jam bërë i madh, i fortë, dhe i aftë sepse mua të gjithë më nënçmojnë”.

Krasniqi po bën përgatitje të nevojshme, i koncentruar dhe i angazhuar, sikurse të bëhet fjalë për një shirit të kampionit botëror. Por, në fund, fitues të këtij organizimi, do të jenë fëmijët.