Krasniqi: Lugina u përdor në Kuvend për fushatë

“Me rezolutën e Lutfi Hazrit dhe ndërhyrjen e Thaçit për ndryshim të Kushtetutës për Luginën në seancën e fundit në Kuvendin kishte elemente të të bërit fushatë, sepse çështja e Luginës nuk është e sotme e as djeshme, kanë qenë vite të tëra madje edhe gjatë kohës së negociatave ky problem ka ekzistuar dhe askujt nuk i shkoi mendja askujt që ta përmend Preshevën ?! Po të isha unë hartues i asaj rezolute do të merrja më pak pika, pasi që janë disa çështje siç është arsimi, kultura e drejta e lëvizjes, lirit në të bërit biznes”.

Kështu ka deklaruar, kryeparlamentari Jakup Krasniqi në një intervistë për agjencinë “Presheva Jonë”.

Krasniqi thotë se në Kuvend, ditën kur u paraqit diskutimi për Luginën, u përmend edhe hapja e një zyre në Prishtinë apo Gjilanë, por ai mendon se më e arsyeshme dhe më me peshë kombëtare do të ishte sikur ato zyra do të hapeshin në Preshevë, Medvegjë apo Bujanoc dhe saktësisht të caktohen detyrat e asaj zyre. Kjo, sipas tij, Kosovën askush nuk e pengon t’i hapin edhe njëqind zyra në Kosovë.

“Megjithatë, çdo pësim është edhe mësim, dhe unë mendoj se rezoluta do të kaloj megjithëse pika e parë do të jetë diskutabile dhe mund të hiqet” ka deklaruar Krasniqi