Krasniqi: Duhet të formohet Qeveria teknike

Kryeparlamentari Jakup Krasniqi gjatë një interviste për “Zëri” thotë se në këtë fazë të zhvillimeve politike, zgjidhja më e mirë do të ishte krijimi i një qeverie teknike, pasi ekzekutivi nuk i ka numrat në Kuvend.

“Në këtë fazë të zhvillimeve politike në Kosovë, zgjidhja më e mirë do të ishte krijimi i një qeverie teknike”, ka thënë Kransiqi. Kjo pasi sipas tij duhet gjetur një mënyrë për ta bërë shumicën në kuvend.

Duke folur për mundësinë e miratimit të buxhetit të vitit 2014 i pari i këtij institucioni është shprehur se buxheti duhet të miratohet, por jo ashtu siç ka ardhur nga qeveria.

Megjithatë ai nuk ka treguar nëse do ta votojë buxhetin, duke u arsyetuar se votën do ta japë konform interesave të vendit.

Ai gjatë kësaj intervista gjithashtu i ka quajtur shpifje përfoljet që u bënë ditë më parë ne medie, se të burgosurit në fshatin Likoc të Drenicës u ka prerë flokët e më pas me të njëjtat gërshërë u ka prerë edhe buzët