KOSTT, KEDS dhe KESCO çojnë në ZRrE kërkesë për rritjen e çmimit të rrymës
RajoniPress
20:48, 24 Shkurt, 2025
| 4 muaj më parë
Kompanitë që operojnë sektorin e energjisë në Kosovë kanë bërë kërkesa për rritjen e çmimit të tarifave të rrymës. Ato i kanë dorëzuar në Zyrën e Rregullatorit të Energjisë.
Kjo u konfirmua nga kreu i Bordit të ZRrE-së, Ymer Fejzullahu.“Operatori i Sistemit, Transmisionit dhe Tregut [KOST], Kompania për Distribuim të Energjisë Elektrike në Kosovë [KEDS] dhe Kompania Kosovare për Furnizim me Energji Elektrike [KESCO] kanë dorëzuar aplikimet për shqyrtimin e tarifave”, thotë Fejzullahu për Klankosova.
Fejzullahu thekson se janë duke i shqyrtuar tarifat dhe më pas dalin me propozime.
“Aktualisht jemi duke i shqyrtuar këto kërkesa dhe pas shqyrtimit dalim me propozime. Besoj diku kah fundi i marsit deri më 1 prill afërsisht dalim me vendim”, theksoi ai.
Kreu i ZRrE-së nuk tregoi se sa është kërkesa e tyre për rritje.
